Во пекарата „Централ“ во Завидовиќи синоќа е убиена 33-годишната вработена со иницијали Д.А. Ја убил 45-годишниот маж Х.М., кој потоа се самоубил.

Како што пишува босански Кликс, портпаролот на полициското одделение на областа изјавил дека дежурната екипа добила пријава за пукањето во 21 часот и 17 минути, а истрагата ја спровеле припадници на Одделот за криминалистичка полиција.

– На лице место е идентификувана жртвата, вработената во пекарата Д.А., родеан 1990 година и мажот Х.М., роден 1978 година. Се претпоставува дека Х.М е извршител на убиството и дека потоа се самоубил – изјавија од полицијата.

Човекот кој е осомничен дека извршил убиство, а потоа и самоубиство не бил вработен во пекарата.

Босанската полиција во моментов ги истражува мотивите за ова кривично дело, по што ќе се знаат повеќе детали.