Хана Хуљиќ Грашо неодамна ги откри деталите за нејзиното пораѓање. Младата музичарка е мајка на тригодишно девојче, Алба, и шестмесечно момче, Тони кои ги доби во бракот со Петар Грашо.

Таа ги роди и ќерката и синот со царски рез, иако, вели, дека не го планирала ниту сакала така.

„Имав книга за породување и прочитав сè за позите во кои жената може да се породи и што може да очекува. И после тоа, се породив на единствениот начин за кој не прочитав, а тоа беше царски рез. И тоа не беше нешто што го сакав, ниту го очекував, но беше неизбежно“, изјавила Хана за порталот „Родителји.хр“.

На денот кога требала да ја роди својата ќерка, се појавиле компликации.

„Ми пукна плодовата вода, бев во породилни болки 12 часа, но со сè што ми дадоа за да се отворам, воопшто не помогна. И тоа се случи и двата пати, се надевав дека вториот пат ќе биде подобро, но вториот пат беше уште полошо“, се присетила Хана.

„Кога породувањето заврши, се опуштив и си реков: ‘Можеш да престанеш да бидеш храбра’. После тоа, се тресев два часа, ми рекоа дека можеби е од анестезијата, но мислам дека е од сето тоа и од адреналинот“, додала таа.

Хана неодамна изјави за домашните медиуми дека нејзината мајка Вјекослава е голема поддршка.

„Колку и да е мајка ми несебична, сега е и баба. Да не беше мајка ми, немаше да одам по друго дете. Таа толку многу ми помогна и беше тука за мене и толку многу се вмеша што, навистина, да не ја имав нејзината помош, не знам како ќе се справев со друго дете. Мајка ми никогаш не ми даде никаков конкретен совет. Едноставно ми покажуваше секој ден и со своите примери каква треба да биде една мајка“, рекла таа.

Нејзиниот сопруг Петар Грашо исто така ја поддржува. Хана и Петар се венчаа во февруари 2022 година во црквата Свети Доминик во Сплит, а на свадбата присуствуваа нивните најблиски пријатели и семејство.

ФОТО | Петар Грашо ѝ купил на Хана Хуљиќ стан од 200.000 евра: Пејачот и неговата сопруга уживаат во луксуз