Црвениот крст на Македонија во соработка со Институтот за трансфузиона медицина по 21-ви пат организираат крводарителска акција по повод празникот Успение на Пресвета Богородица.

Целта на акцијата е да се обезбедат поголеми количини на крв во летниот период, заради можноста од недостаток на крв и крвни деривати. Оваа акција веќе 20 години ја покажува големата хуманост на граѓаните на град Скопје – велат од Црвениот крст.

Крводарителската акција ќе се спроведе во Домот на АРМ на 28 август од 09:00 до 17:00 часот.

Започнувајќи со 146 дарувања во 2003-та година, денеска, по 20 реализирани акции, се зборува за вкупна бројка од 4391 единици крв, или во просек 220 крводарители по акција – додаваат од Црвен крст и ги поканија граѓаните да ја покажат и овој пат својата хуманост.