Дисциплинската комисија на турската фудбалска федерација го казни Трабзонспор со шест натпревари без присуство на публика за инцидентите по натпреварот помеѓу клубот и Фенербахче на 17 март.

Инцидентот се случи кога по мечот во кој Фенербахче победи со 3:2, навивачите на Трабзонспор влетале на теренот, при што настанала тепачка со дел од играчите на Фенербахче.

Хаотичните сцени траеја неколку минути, пред да стане јасно дека обезбедувањето не може да се справи со хулиганите, па мораше да интервенира и полицијата за да спречи инциденти од поголеми размери. Покрај казната од шест натпревари одиграни без присуство на публика, Трабзонспор е казнет и со приближно 87.000 евра поради споменатите инциденти.

?? Trabzonspor is demanding the resignation of the Turkish Football Federation because sanctions were imposed on them due to the chaotic scenes during the Trabzonspor vs. Fenerbahce game.

This includes:

▪️Trabzonspor is being penalized with 6 games without fans.… pic.twitter.com/Fs0agdphu3

— Football Talk (@FootballTalkHQ) April 3, 2024

Од фудбалерите кои учествуваа во тепачката по крајот на натпреварот, казнет е само членот на Фенербахче, Холанѓанецот Јаден Квин Остерволде, кој доби суспензија од еден натпревар.

Првите луѓе на Фенербахче дури размислуваа и за повлекување од турската Суперлига поради инцидентите на споменатиот натпревар, но по вонредното собрание на клубот беше одлучено да не се преземе ваков радикален чекор.