Првите луѓе на Тотенхем го откупија договорот на фудбалерот Дејан Кулушевски од Јувентус за 30 милиони евра, објавено е на сајтот на лондонскиот клуб.

Кулушевски (23) настапуваше за Тотенхем 18 месеци како позајмен играч од италијанскиот клуб.

Официјално Швеѓанецот со македонско потекло потпиша договор со премиерлигашот кој ќе важи до 2028 година.

Минатата сезона имаше 57 настапи за Тотенхем во сите натпреварувања и постигна седум гола.

Во Премиер лигата одигра 37 од 38 натпревари и беше незаменлив член во стартната постава.