Италијанците се познати по добрата кујна, а тосканскиот рецепт за пилешко е едно од најпопуларните јадења. Се прави од бело месо, кое се крчка во сос од павлака и сушени домати, како и спанаќ.

Со овој одличен рецепт, отпатувајте во Тоскана, живописниот регион на Италија. Постојат неколку варијации како можете да го подготвите. Една од нив е само да го потпржете месото или прво да го испохувате на пареа, па дури потоа да го динстате во неодоливо вкусен сос. Пилешкото се подготвува многу лесно, а одлично се надополнува со вкусовите на шери домати и павлака.

Наместо познатиот класик, направете макарони Тоскана кои ќе им се допаднат на сите. Рецептот се разликува од оригиналот само по неколку состојки, но е еднакво вкусен. Спанаќот ќе му даде допир на свежина на јадењето, додека тестенините ќе го заокружат ова традиционално јадење.

Задолжително пробајте го!

Состојки:

– 300 грама макарони
– 250 грама шери домати
– 350 грама пилешко филе
– 125 грама спанаќ
– 2 чешниња лук
– 1/2 кромид
– 1 лажица доматно пире
– 1 лажичка слатка пиперка
– 1 лажичка лук во прав
– 1 лажичка оригано
– 200 милилитри павлака за готвење
– 125 грама кашкавал

Подготовка:

Кромидот исечкајте го, па пропржете го, а кога ќе омекне додадете го и сечканиот лук. По 20 секунди додадете го месото исечкано на коцки и доматното пире. Промешајте и кога месото ќе се испржи додадете ја павлаката за готвење. Зачинете, па додадете ги сечканите шери домати и спанаќот. Добро измешајте. Варете уште малку, па кон крајот додадете го ренданиот кашкавал, а потоа и макароните кои претходно сте ги свариле и процедиле. Пријатно!