Како што официјално објавија од женскиот кошаркарски клуб Баскет Кам – Македонска Каменица, нов тренер на екипата на Тони Симиќ.

Симиќ, легендата на македонската кошарка, ќе го води ЖКК Баскет Кам кој доминира во женската кошарка во нашата земја во последните четири години.

Симиќ зад себе има богата играчка кариера во МЗТ Скопје, Работнички, Фени Индустри и Гостивар, а како тренер успешно ги предводеше Работнички, Академија ФМП и Шкупи.

– Со неговото богато искуство, убедени сме дека нашата екипа ќе ја продолжи шампионската традиција и целосната доминација во кошарката – стои во објавата на ЖКК Баскет Кам.

Баскет Кам продолжува да поставува нови и повисоки стандарди, а Македонска Каменица останува центар на македонската кошарка.