За разлика од поголемиот дел од тениската јавност, Тони Надал сега отворено застана во одбрана на Јаник Синер во допинг скандалот кој предизвика бурни реакции ширум светот.

Чичкото на Рафаел Надал изјави дека Јаник Синер и не е единствениот тенисер кој се допингувал и поради тоа е изненаден од реакциите на големиот број тенисери.

„Навистина сум изненаден од бројката на тенисери кои се свртеа против Синер, дури и некои од највисокото тениско ниво кои не се баш чисти. Го познавам Синер и знам дека немал намера да направи кривично дело. Не можете да се однесувате така кон некого ако грешката била случајна“, изјави Надал.

Ваквата изјава на Тони Надал беше причина да се почне со шпекулирање кои се тенисерите од највисокиот ранг кои биле допингувани.