Успешен настап имаа македонските млади тенисери на турнирот во Пеќ, Косово. На турнирот од ранг Ј30 Пеќ, Амар Хусеиновиќ победи во поединечна конкуренција.

Хусеиновиќ, кој беше втор носител на турнирот, во финалето го совлада Диего Сабатини од Италија со 2:0 во сетови (6:2, 6:0), а притоа сите мечеви до финалето ги доби во два сета.

На истиот турнир во конкуренција на двојки Александар Трифуновски играше во финалето заедно со Никита Грибјавин од Естонија.

Трифуновски и Грибјавин во финалето загубија со 3:6 и 4:6 од Марс Аргун и Егемен Карман од Турција.

Забележителен настап имаше и македонската тенисерка Катја Ивановска која на турнирот на Златибор загуби во четвртфиналето од Русинката Злата Самоилова со 2:0 во сетови.