Една од најголемите ѕвезди во алпското скијање Линдзи Вон (40) направи камбек пред неколку дена, по речиси шестгодишна пауза и оствари одличен резултат, ако се земе предвид долгата пауза.

На супер-џи трката во Сент Мориц, во Светскиот куп, таа го освои 14. место, најмногу благодарение на хируршкиот зафат со кој таа доби титаниумско колено. Таа се повлече поради проблеми со коленото, а со новото колено се чувствува препородена.

Нејзината состојба им дава надеж на многу спортисти со сличен проблем и нејзината операција, прва од тој вид во скијањето, може да стане рутина во иднина.

– Последните неколку години од мојата кариера беа многу поразлични од сега. Скијам без да размислувам за коленово, што навистина го немам направено откако првпат го повредив во 2013 година. Значи, помина долго време кога се чувствував толку добро. Малку сум постарa, но многу сум посилнa отколку што бев некогаш – рече Вон во Сент Мориц.

Вон следната трка ја вози во Сент Антон, Австрија, 11-12 јануари.

? Le grand retour de Lindsey Vonn ! A 40 ans, après presque six d'absence et avec une prothèse à un genou, la championne américaine signe le 14e temps du Super-G à Saint-Moritz #ChaletClub pic.twitter.com/dqWsoymsvT

— Eurosport France (@Eurosport_FR) December 21, 2024

Во текот на кариерата, Вон освои еден златен олимписки медал, два бронзени и 20 титули на Светскиот куп, а на подиумот во Светскиот куп се качила над 130 пати. Сепак, откако се здоби со повеќе повреди, Вон се повлече во 2019 година на 35-годишна возраст.