Тирамису е познат италијански десерт – комбинација од пишкоти натопени во кафе и богат крем на база на шлаг и маскарпоне.

Во лето можете да додадете боровинки при што ќе добиете вкусен и сочен десерт, идеален за овој период од годината, пишува „Пун куфер“.

Потребни состојки:

• 250 грама свежи боровинки
• 150 грама шлаг крем
• 150 грама маскарпоне
• 30 грама шеќер во прав
• 4-6 пишкоти
• црно кафе
• какао во прав

Подготовка:

Искршете ги пишкотите на помали парчиња и натопете ги во ладно кафе. Наредете ги на дното од чашата во која ќе го послужите десертот.

Врз нив додадете малку свежи боровинки.

Со миксер изматете го шлаг кремот заедно со шеќерот во прав. Додадете и маскарпоне и продолжете да мешате. Дел од смесата префрлете ја во чашата.

Повторете ја истата постапка и наредете ги бисквитите, овошјето и кремот додека не ги потрошите сите состојки.

На крајот посипете какао во прав.

На здравје!