Повеќе од 10 часа во текот на работниот ден – толку луѓето во Германија просечно поминуваат седејќи, покажаа резултатите од нова студија. Ова е нов рекорд, според извештајот на Германското здравствено осигурување, јавува ДПА.

На работа, испитаниците седат во просек три и пол часа, а уште два и пол часа поминуваат пред телевизор.

Патувањето со воз, автомобил или друго превозно средство трае 80 минути на ден, а користењето компјутер или таблет трае еден и пол час. Во остатокот од слободното време, луѓето седат уште 82 минути во просек.

Во извештајот се наведува дека околу еден час движење дневно е доволно за да се компензира седењето повеќе од осум часа.

Сепак, само околу една третина од оние кои седат многу – 30 проценти – всушност го надоместуваат тоа со еден час или повеќе физичка активност на ден.

Извештајот е создаден во соработка со Германскиот спортски универзитет во Келн и Универзитетот „Јулиус Максимилијан“ во Вирцбург.

Во анкетата учествувале околу 2.800 луѓе над 18 години низ цела Германија.