Тинекс Пролет рутински го почна настапот во плејаутот од македонскиот ракометен шампионат, откако Тинекс Пролет попладнево на домашен терен лесно стигна до победа над Струга (30:23).

Избраниците на Матлиески одиграа квалитетен меч со исклучок на десетината минути во кои имаа голем пад на концентрацијата, но Тинекс Пролет имаше доволно и квалитет и искуство за да стигне до резултатот што го посакуваше.

Мечот почна во апсолутна доминација на домашниот тим, кој набрзина поведе со 8:3. Домашните ркаометари како да се опуштија по ваквиот старт, почнаа повеќе да грешат во нападот, а тимот на Струга знаеше како да го искористи тоа и да намали на 8:7, пред тренерот Матлиески да побара тајмаут. Стружани по тајмаутот израмнија на 8:8, неколку минути се играше „гол за гол“, но Тинекс Пролет сепак успеа да се одлепи кон крајот на полувремето и на одмор да замине со резултат 15:12.

Стружани се обидуваа да парираат и да ја намалат негативата, но голманот Даскалоски имаше неколку одлични интервенции, искусниот чувар на мрежата дури и погоди од сопствените шест метри за 20:16, означувајќи нова мини-серија на Тинекс Пролет. Резултатот беше рутински исконтролиран до самиот крај, Тинекс Пролет имаше и 28:20, за падот на концентрацијата во финишот да им овозможи на гостите да ја намалат разликата до конечните 30:23.

Покрај одличниот Даскаловски на голот, најзаслужни за победата се Андоновски и Стојановски со по шест погодоци, додека на спротивната страна по четири погодоци за Тинекс Пролет постигнаа Мајнов и Атанасовски.