Вчера попладне на граничниот премин „Ново Село“, 19-годишно момче од Бугарија било уапсено откако кај него било пронајдено оружје, соопшти МВР.

„На 06.09.2025 околу 15:10 часот на Граничен премин Ново Село, кон Р.Бугарија, полициски службеници од Мобилната единица за компезаторни мерки при Одделот за гранични работи и миграции го лишија од слобода Б.В.Г. (19) од Р. Бугарија. На прашањето дали има нешто да пријави, Б.В.Г. рекол дека нема ништо, но при преглед на возилото „фолксваген голф“, со бугарски регистарски ознаки, кое го управувал, под возачкото седиште се пронајдени сигнален пиштол, една кутија од пиштол, три кутии со муниција за гасен пиштол, два ножа и други предмети. Известен е јавен обвинител и против лицето ќе биде поднесен соодветна пријава“, пишува во полицискиот билтен.