Спектакуларен 69. „Ол-стар“ натпревар беше одигран во „Јунајтед центар“ во Чикаго. „Тимот на Леброн“ во драматична завршница со резултат 157:155 славеше победа против „Тимот на Јанис“.

Со поените на Ентони Дејвис од линијата за слободни фрлања беа подобри кошаркарите на „Тимот на Леброн“.

Некарактеристично за ваквите ревијални меч, гледачите можеа да проследат „сериозен” меч со цврсти одбрани, посебно во последниот период.

Најефикасен во победничките редови беше Каваи Ленард со 30 поени, Леброн Џејмс и Крис Пол запишаа 23.

Адетокумбо беше најефикасен во поразениот тим со 25, Кемба Вокер постигна 23 поени. Ленард го доби признанието МВП кое се доделува на најкорисниот играч.