Денеска екипата на Париз запиша нова победа во кошаркарскиот Еврокуп откако на гости убедливо со 95:72 славеше против Бешикташ.

Францускиот клуб е веќе сигурен учесник во четвртфиналето, а до крајот на групната фаза останува да го одигра последниот меч на 7 февруари дома против Цедевита Олимпија.

Во победата над турската екипа доминираше македонскиот репрезентативец Ти Џеј Шортс кој беше прв стрелец со 23 поени, пет скокови и шест асистенции за 25 минути игра.

На спротивната страна најефикасен беше Џонах Метјуз со 22 поени.

На табелата води Париз (16-1), пред Хапоел Тел Авив (11-5), Лондон Лајонс (11-5), Хувентуд Бадалона (10-6), Бешикташ (9-8)…