Претседателот на кошаркарскиот клуб ТФТ од Скопје потврди дека неговата екипа ќе ја претставува Македонија следната сезона (2020/2021) во Балканската (БИБЛ) лига.

Боро Смилковски и спортскиот директор на лигата, Шај Штрикс зборуваа за важноста КК ТФТ да биде дел од лигата со што ќе го подобри нивото на натпреварувањето без сомнение и ќе биде од корист за обете страни.

Воедно беа нагласени високите амбиции да се направи еден конкурентски состав со добри македонски играчи, како и странци да го претстават тимот на најдобар можен начин во домашното првенство и БИБЛ.

Штом се подобри ситуацијата околу патувањата, ќе има официјална посета на Штрикс на Скопје. БИБЛ продолжува со подготовките за новата сезона која се очекува да започне во октомври со 8 клуба во форма на Лига.

КК ТФТ има група сериозни бизнисмени зад себе и се среќни што имаат голема поддршка од Општина Карпош и нејзиниот градоначалник, Стефан Богоев.