
Тетекс славеше против Детонит Плачковица, прва победа за Брегалница во Втората лига
Во саботата беа одиграни седум натпревари од второто коло во Втората македонска фудбалска лига кое се затвора во недела со мечот во Струмица меѓу Беласица и Скопје од 19.30 часот на стадионот „Младост“.
Препорачано
Екипата на Брегалница славеше победа на гостински терен во Неготино против Вардар со 2:0, забележувајќи ја првата победа во новата сезона. Стрелци на погодоците беа Даријан Тасев и Лука Георгиев.
Возбудлива и неизвесна беше пресметката во Тетово помеѓу Тетекс и Детонит Плачковица. Беа постигнати пет погодоци, а тимот на Тетекс оствари победа со 3:2. Головите ги постигнаа Даниел Николовски и Златко Радески, автогол си постигна Филип Манасиевски.
Победа и Каменица Саса одиграа без победник, 2:2. За домашните погодија Кристи Крајоски и Мохамед Ахмедов. Кај гостинскиот тим стрелци на погодоците беа Лука Николов и Мухамед Бекир. Шкендија Арачиново продолжува со добрите игри и оствари нова победа, овој пат над Охрид со 2:1, со погодоците на Дарио Десниќ и автоголот на Албнор Каба.
Најубедлив триумф ова коло оствари Слога Виница над екипата на Големо Коњари со 5:1. Двоен стрелец беше Никола Талески. По еднаш погодија Иван Настевски, Љупчо Христовски и Виктор Крстевски. Биким Алимовски погоди за Големо Коњари.
Резултати, 2. коло, Втора МФЛ:
Кожув – Новаци 2:0
Осогово – Преспа 2:0
Победа – Каменица Саса 2:2
Шкендија Арачиново – Охрид 2:1
Слога Виница – Големо Коњари 5:1
Тетекс – Детонит Плачковица 3:2
Вардар Неготино – Брегалница 0:2