Она што прво ќе го забележите на една слика не е случајно – тоа е одраз на вашата потсвест. Нашата перцепција често ја открива вистината за внатрешниот свет, понекогаш на начини што не ги очекуваме, пишува „Сенса“.

Токму затоа тестовите на визуелна перцепција со децении фасцинираат луѓе. За разлика од класичните тестови на личноста, овие тестови ја заобиколуваат свесната мисла и се потпираат на интуицијата, давајќи увид во тоа кои сме навистина. Она што најпрво ќе ви „падне в очи“ може да открие ваши вредности, стравови, силни страни или начини на кои се справувате со животните предизвици.

Оваа слика, пак, покажува како се однесувате со неизвесноста и решавањето проблеми. Она што прво ќе го забележите, открива дали сте подготвени да прифатите непознато или повеќе ја сакате стабилноста.

Па, што прво ви привлече внимание?

Срце

Ако најпрво сте го забележале срцето, вие секогаш се обидувате да ја видите добрата страна во сè. Отворен ум сте и немате предрасуди кон другите. Повеќе сакате да не создавате лажни илузии, дозволувајќи си да ве изненадуваат секојдневните случувања. Уживате во слободата и времето поминато на отворено. Не чувате омраза кон оние кои некогаш ве повредиле и лесно простувате. Вашето семејство има привилегирано место во вашиот живот.

Тупаница

Ако прво сте ја забележале тупаницата, тоа значи дека не сакате некој да ви кажува што да правите. Избегнувате места на кои не ви е дозволено да растете и често ја покажувате својата бунтовна природа. Не останувате долго на едно место и постојано барате нови авантури за да ги тестирате своите вештини. Зоната на удобност не е за вас – живеете секој ден како да е последен. Во љубовта сте верни и верувате дека секој има своја подобра половина која чека да биде пронајдена.