Тешко си на оние што патуваат за Србија и Хрватска – долги редици на граница
Попладнево на граничниот премин Батровци се чекало 5 часа, а на Табановце 1 час
На граничните премини и патишта во Србија, Хрватска, Босна и Херцеговина и другите земји од регионот денеска е зголемен сообраќајниот метеж поради викендот и смената на туристите, јавува Танјуг.
Препорачано
Според информациите на Управата на граничната полиција на Србија, во 13 часот и 15 минути на граничните премини Хоргош кон Унгарија и Батровци кон Хрватска, задржувањето на патнички возила е пет часа.
На ГП „Хоргош 2“ и Бачка Виногради на излез од Србија задржувањето на патнички моторни возила е 180 минути, а на граничниот премин Бачка Брег 150 минути.
На ГП Прешево (Табановце), за влез на патнички автомобили од Македонија во Србија се чекало 60 минути, а за автобуси 90 минути.
Патничките возила на ГП Келебија и Шид, на излез од државата, треба да чекаат 120 минути, соопшти денеска Јавното претпријатие „Патишта на Србија“.
На граничниот премин Градина кон Бугарија задржувањето за патнички моторни возила е 60 минути на влез во Србија, а 30 минути на излез од државата.
Луѓето на социјалните мрежи пишуваат дека колоната на Хрогош кон Унгарија е долга пет километри.
