Тешка сообраќајна несреќа се случила утринава на експресниот пат Штип – Кочани, еден патник го загубил животот, а уште тројца завршиле со повреди.

Во несреќата се судриле автомобили „Фолксваген Поло“ и „Рено“ со бугарски регистарски таблички.

Несреќата се случила во раните утрински часови, а во едно од возилата имало работници. Еден од патниците, поради сериозноста на повредите, бил пренесен на скопските клиники каде што подоцна им подлегнал на повредите.

Полицијата и истражните органи вршат увид на местото на настанот за да ги утврдат причините. Неофицијално, како можни фактори се споменуваат неприлагодена брзина и лизгав коловоз, но официјални информации се очекуваат од МВР по завршување на истрагата.