Тешка сообраќајна несреќа во Битола заврши со тешко повреден пешак и угинато куче. Инцидентот се случил во понеделникот навечер, околу 18:30 часот, на крстосницата меѓу улиците „Партизанска“ и „Север Југ“, кога патничко возило „пежо“ со битолски регистарски таблички удрило во пешак и во неговиот миленик.

Возилото го управувал Г.М. (49) од Битола, а во несреќата тешко повреден е 45-годишниот Ѓ.Х., исто така од Битола. Кучето не ја преживеало несреќата и починало на лице место.

Пешакот бил веднаш пренесен во Клиничката болница во Битола, каде што му биле констатирани тешки телесни повреди и се бори за живот.

Увид на местото на настанот извршила екипа од СВР Битола, која ги истражува околностите и причините што довеле до несреќата.