Речиси две децении по почетокот на нејзината кариера, Тејлор Свифт повторно докажа дека нема граници за нејзиниот уметнички и личен подем. По спектакуларната турнеја „Ерас“, Свифт се враќа со ново студиско остварување – албумот „The Life of a Showgirl“.

За првпат по подолго време, Свифт не соработува со долгогодишниот продуцент Џек Антоноф, туку се враќа кон провереното дуо Макс Мартин и Шелбек. Но наместо повторување на старите формули, тимот создава сосема нов звук – инспириран од „Флитвуд Мек“, електричните елементи од „Reputation“ и интимните моменти од „Speak Now“ и „Midnights“. Албумот содржи 12 песни, компактни, со јасна приказна и впечатливи мелодии.

Нумери како „The Fate of Ophelia“ и „Elizabeth Taylor“ ја покажуваат нејзината смелост да експериментира, додека „Actually Romantic“ со рок рифови во стилот на 90-тите и „Father Figure“, во која вметнува елементи од култната песна на Џорџ Мајкл, носат нова енергија на сцената.

По минатогодишниот длабоко интимен и мрачен албум „The Tortured Poets Department“, овојпат Свифт носи експлозија на бои, емоции и шоу-бизнис раскош. Токму тоа го открива и песната „Eldest Daughter“, традиционалниот „Track Five“ на Свифт, каде што низ сурови стихови признава лични слабости и стравови.

Интересно е што во завршната насловна нумера се појавува и младата ѕвезда Сабрина Карпентер, која пее цела строфа заедно со својата менторка – како симболично предавање на факелот кон новата генерација.

Годината за Свифт е обележана не само со музичките триумфи, туку и со големата животна пресвртница: нејзината свршувачка со фудбалската ѕвезда Тревис Келси, која јавноста ја доживува како нејзина „бајковита завршница“.

Тејлор Свифт подготвува уште еден спектакл: Објавувањето на новиот албум ќе може да се гледа во кината како филмска премиера