Трет албум број 1 за помалку од една година…

Најновото издание на кантавторката Тејлор Свифт (31), „Fearless (Taylor’s Version)“, повторно снимено заради аферата со издавачката куќа и авторските права, дебитираше на првото место на листата на официјални албуми.

Со тоа, Тејлор го собори рекордот што претходно го држеа легендарните Битлси.

Со својот трет албум на врвот на листата за само 259 дена, по албумот „Folklore“ на 31 јули и „Evermore“ на 18 декември, Тејлор постави нов рекорд на сите времиња за најкратко време меѓу трите албуми број 1 досега.

Рекордот претходно го држеа Битлси, 54 години, со три албуми на место број 1 — 364 дена. Тоа беа албумите „Help!“, „Rubber Soul“ и „Revolver“.

Севкупно, повторно снимениот албум е седмиот албум број 1 во Велика Британија за американската кантавторка!