Откако Федералниот суд во Мелбурн ја одби жалбата на Новак Ѓоковиќ на укинувањето на виза од страна на министерот за имиграција Алекс Хок за влез во Австралија и нареди негова депортација од Австралија, ширум светот следеа жестоки реакции, а сега се огласи и неговиот татко Срѓан Ѓоковиќ.

Најдобриот светски тенисер веќе ја напушти Австралија, лета за Дубаи, а во меѓувреме неговиот татко Срѓан Ѓоковиќ се огласи по пат на „Инстаграм“.

– Заврши обидот за атентат врз најдобриот спортист на светот, 50 куршуми во градите на Новак. После сè тој ги поддржува играчите, му дава поддршка на младиот играч од 17 години. Ете тоа, е Ноле, човек, брат, се гледаме во Париз – напиша таткото на Новак, Срѓан Ѓоковиќ.

Освен што е депортиран од Австралија, Ѓоковиќ треба да плати и судски трошоци во износ од половина милион австралиски долари, но тука не е крајот на маките за српскиот тенисер.

Му се заканува тригодишна забрана за влез во Австралија, што значи дека повеќе нема да може да настапува на Австралија опен. Доколку ја добие таа забрана, за среќа на Новак, таа може да биде укината подоцна.

Секако, депортацијата на Ѓоковиќ предизвика жестоки реакции кај многу тенисери, а секако се издвојува реакцијата на неговиот најголем критичар Ник Кирјос.