Таткото на Ејми Вајнхаус тужи две пријателки на неговата покојна ќерка за, наводно, задржувае на приходите од продажбата на предметите на познатата пејачка.

Мич Вајнхаус, поранешен таксист, сака да ги врати парите за кои вели дека треба да се уплатат на фондацијата основана во спомен на пејачката, пишува „Дејли мејл“.

Се шпекулира дека наводната љубовница на Вајнхаус, Катриона Гурлеј, и стилистката Наоми Пари добиле дел од трите милиони фунти, собрани за време на аукција во 2021 година.

Вајнхаус почина од труење со алкохол во 2011 година, на 27-годишна возраст, а фустанот направен од Пари што пејачката го носеше за нејзиниот последен концерт во Белград, наводно, достигнал цена од 200.000 фунти на аукцијата.

Исто така, се тврди дека меѓу продадените предмети се и забелешките на Вајнаус, пишува „Сан“.

Од фондацијата „Ејми Вајнхаус“ изјавија дека Гурлеј и Пари, исто така, продале уште предмети на пејачката годинава.

„Две лица продадоа голем број предмети на таа аукција и ги задржаа приходите. Сите предмети беа поврзани со Ејми. Оваа година тие ставија уште предмети на аукција. Двете аукции донесоа шестцифрена сума за секоја од нив“, се вели во нивното соопштение.

Патем, Пари напиша книга за пејачката во 2021 година, која вклучи поглавје за Гурлеј. Во документарецот на „Би-би-си“, Гурлеј зборуваше за нејзината врска со пејачката, велејќи: „Нашата врска беше толку уникатна“.

Поранешниот сопруг на Ејми Вајнхаус во емотивно интервју: Ме обвинуваат за нејзината смрт, товарот го носам 10 години