Во центарот на вниманието на кошаркарската јавност од вчера е „трејдот“ (размената) на Лука Дончиќ во редовите на Лејкерс, додека Далас на негово место го доби Ентони Дејвис.

Шокиран од трампата на Дончиќ бил и неговиот татко Саша кој призна дека не знаел дека се преговара за заминување на неговиот син.

„На почетокот не верував дека е вистина, беше навистина чудно. Разбирам дека некој кошаркар може да не одговара на тимот, но тие сè правеле тајно. За мене ова е еден вид лицемерие и сигурно дека ме боли. Дефинитивно, мојот син не заслужи таков третман по сè што даде за овој тим“, изјави таткото на Лука.

Главната причина поради која во Далас се одлучија да го разменат Дончиќ е неговата физичка форма, односно вишокот на килограми.