Министерот за здравство, Арбен Таравари најави дека после локалните избори во октомври можно е да има спојување на четирите партии од коалицијата „Вреди“.

-До локалните избори сигурно нема да има спојување на Вреди, после локалните избори веќе сме размислувале и сме зборувале за тоа, можеби и може да се случи евентуално спојување на сите четири партии во една партија – изјави Таравари во интервју за Радио Слободна Европа.

На прашањето дали веќе се разговара, и дали има предлози за кандидати на „Вреди“ за локални избори, тој изјави дека веќе прават одредени анкети за одредени имиња.

-Секако дека се зборуваат веќе и правиме одредени анкети за одредени имиња. Во повеќето општини, кадешто мнозинство, односно има шанси и Албанците да победат, повеќе се Албанци, размислуваме за потенцијални кандидати. Меѓутоа, се надевам, кон крајот на март, ќе излеземе и со предлози кои би биле нашите кандидати во одредени општини за идни градоначалници – вели министерот.