На стартот на кампањата за претседателски избори, за ветар во грб претседателскиот кандидат на коалицијата Вреди, Арбен Таравари синоќа се сретнал со косовскиот премиер и лидер на Самоопределување Албин Курти.

Во објавата на Фејсбук, Таравари потенцира дека на средбата со косовскиот премиер друштво му прават синот на починатиот претседател на ДПА Арбен Џафери, Илир, но и Фета Алими, кој му го спаси животот на лидерот на Алијанса за Албанците Зијадин Села на „крвавиот четврток“ во 2017 година.

Со објавата Таравари симболично му испраќа порака на Села со кого е членството и поддржувачите не само на Алијанса, туку и на ДПА, откако тетовскиот суд пресече дека лидер на Алијанса е Села.

-Сега сме во Приштина на средба на Албанците со голема симболика!
Со Илир Џафери, наследникот на Арбен Џафери, со Фета Алими, храбар над храбрите и лојалните, и со премиерот на Република Косово, Албин Курти, кој е поддржувач на нашата кауза, кој инспиративен и пример за големи движења!
Промената почна! – напиша Таравари.