Лидерот на едното крило на Алијансата за Албанците и поранешен министер за здравство, Арбен Таравари во своето гостување во „Вести плус“ на Канал 5, рече дека очекува „Европскиот фронт“ да освои двојно повеќе гласови од коалицијата Вреди на локалните избори.

„На последните избори, кога бевме дел од коалицијата Вреди, добивме 107 илјади гласови, додека ДУИ, поточно Европскиот фронт, доби 137 илјади. На сите анкети, Алијансата за Албанците беше половина од Вреди, и тоа е неоспорен факт“, рече Таравари, додавајќи дека сега се очекува разликата значително да се продлабочи.

Според поранешниот министер за здравство, ако конечниот резултат не го надмине соодносот 2:1 во корист на коалицијата составена од Европскиот фронт и неговата партија, тогаш нема причина да се отвора прашањето за предвремени парламентарни избори.