Тапанарот на рок групата „Квин“, Роџер Тејлор, се присети како звучел Фреди Меркјури кога првпат се оформила легендарната четворка. Тој призна дека, на почетокот, пејачот звучел како „маничен јарец“ и дека звучел „страшно“.

Тапанарот рече дека кога започнал бендот, неговата мајка била згрозена од препознатливиот оперски глас на Меркјури. Тејлор истакна дека Меркјури на крајот го усовршил својот глас, но дека тоа барало труд и работа, пишува „Дејли мејл“.

„Мислам дека не сфаќате колку страшно звучеше порано. Мислам, звучеше како маничен јарец. Звучеше необично, неговото вибрато. Лицето на мајка ми го виде… На крајот, тој стана нашиот прекрасен Фреди, кој никогаш нема да го заборавиме“, рече Тејлор и додаде дека Меркјури станал „колосална сила“, која може да стигне до задните редови на која било свирка или стадион.