Српската пејачка Тања Савиќ ужива во љубовната врска со 11 години помладиот пилот Мухамед Мешиќ, а сега откри и кога планираат да го изговорат судбоносното „да“.

Турбо фолк ѕвездата не крие колку е среќна покрај својот емотивен партнер и дека планира да се венча по нејзиниот концерт во Белградската Арена, кој ќе се случи на 23 ноември. Станува збор за јубилеен концерт, со кој ќе ја одбележи 20-годишнината од почетокот на нејзината музичка кариера.

„Што се однесува до мажењето, прстенот нека дојде по концертот во Белградската арена. Свадбената прослава би требало да се случи следната година. Морам да кажам дека не правиме работи надвор од нашите планови. Што се однесува до мојот концерт, навистина се надевам дека некое момче ќе ја запроси својата девојка токму таму“, изјави Савиќ во емисијата „Премиера, викенд специјал“ и откри кои колеги од естрадата ќе ѝ гостуваат на концертот.

„Ќе имам три гости на концертот – Бане Мојичевиќ и Јана, а третиот ќе остане тајна“, изјави таа.