Тренерот на Нексе, Бранко Тампе има причини за задоволство по триумфот над Е. Пелистер во реваншот од осминафиналето од ракометната Лига на Европа со кој го завери пласманот во следната рунда.

Словенечкиот стратег кој седи на клупата на хрватскиот тим на прес-конференцијата по натпреварот им честита на своите играчи, а ги пофали домашните навивачи.

– Прво, би сакал да го кажам она кое го очекував. Цел ден им кажував на играчите, дека Битола има публика која пее цел натпревар и е главна поддршка на играчите. Благодарам на гостопримството, беше совршено. Знаев дека чека еден тежок меч. Започнавме лошо, Еурофарм Пелистер диктираше свој ритам и не казнуваше. Нашиот стил на ракомет го игравме еден дел во првото и еден дел во второто полувреме. Така успеавме да ја направиме клучната разлика. Горд сум на својот тим, победивме пред едни од најракометните навивачи. На Еурофарм Пелистер му посакувам она кое тимот најмногу го сака, тоа е титулата – рече Тамше.