Министерството за високо образование на Талибанците забрани 679 учебници и академски книги за авганистанските универзитети, се вели во официјалното соопштение.

Министерството издаде список од 50 страници на забранети книги и материјали откако формираше посебен комитет кој утврди дека содржината е идеолошки, религиозно, политички, културно и академски несоодветна.

На универзитетите им е наложено да ги суспендираат овие материјали додека не се пронајдат соодветни алтернативи. Забранети се книги на различни теми, од оние за исламски прашања, право, економија, новинарство, литература и психологија, до оние за инженерство, медицина, земјоделство и екологија.

Листата покажува дека многу книги се објавени во Иран, иако и оние од арапски, западни и авганистански издавачи се исто така забранети. Книгите напишани од жени исто така беа забранети, но министерството не посочи јасно дали ги забранува сите авторки, пишува Њујорк Тајмс.

Извор од министерството, рече дека првичниот предлог бил да се забранат сите книги од ирански издавачи и жени, но дека сè уште се разгледуваат авторки и дека конечната одлука сè уште не е донесена.

Откако Талибанците се вратија на власт во 2021 година, на авганистанските девојчиња им е забрането да одат на училиште по завршувањето на основното училиште. Владата на Талибанците сега не е признаена од никој освен од Русија.