Легендата на „Квин“, Фреди Меркјури, добил ќерка од тајна афера во 1976 година со сопругата на близок пријател. За нејзиното постоење претходно знаеле само неговите родители, сестрата, членовите на бендот и долгогодишната партнерка Мери Остин.

За прв пат, таа одлучила да проговори во новата биографија „Љубов, Фреди“, напишана од авторката Лесли-Ен Џонс. Сепак, во книгата се споменува само со иницијалот – Б.

Пред да почине од пневмонија поврзана со СИДА во 1991 година, Фреди ѝ оставил на својата ќерка 17 тома лични дневници. Таа ги чувала во тајност со години, но неодамна ѝ ги дала на авторката како основа за книга што ќе биде објавена на крајот од годината.

Денес таа живее во Европа, работи како доктрока и има свое семејство.

Во писмо споменато во книгата, Б пишува:

„Фреди Меркјури беше и останува мој татко. Имавме многу блиска врска исполнета со многу љубов од моментот кога се родив, па сè до последните 15 години од неговиот живот. Тој ме обожаваше и ми беше целосно посветен. Околностите на моето раѓање може да изгледаат необични, дури и шокантни, но тоа никогаш не ја намали неговата посветеност и љубов. Ме чуваше како највредно богатство.“

Фреди и Мери никогаш немале деца, иако останале многу блиски до самиот крај на неговиот живот. Мери подоцна родила два сина со друг партнер и се верува дека знаела за постоењето на неговата тајна ќерка.

Книгата „Со љубов, Фреди“ се смета за најголемото откритие во светот на шоу-бизнисот во последните неколку децении, објавува „Дејли мејл“.