Светската здравствена организација повика на вакцинација против мали сипаници, бидејќи болеста минатата година се појавила во повеќе од 50 земји.

„Во изминатата година, сипаниците се појавија во повеќе од 50 земји, двојно повеќе отколку во 2022 година“, изјави Кејт О’Брајан, директорката за имунизација на СЗО.

Малите сипаници се заразна вирусна болест која предизвикува симптоми слични на грип и осип. Тоа понекогаш може да биде фатално, но може да се спречи со две дози од вакцината.

„Поради пандемијата „Ковид-19“, речиси 60 милиони деца ширум светот пропуштија да се вакцинираат“, рече О’Брајан.

На вакцинација против морбили вчера повика и Американскиот центар за контрола и превенција на болести.