Свадбата на милијардерот и основач на „Амазон“ Џеф Безос и новинарката Лорен Санчез е настан од исклучително значење за Италија и Венеција, кој, според заводот за статистика на Министерството за туризам, би можел да му донесе на градот вкупен приход од приближно 957,3 милиони евра, што е речиси 68 проценти од годишниот туристички сообраќај на градот, објавија денес италијанските медиуми.

Ова е уште позначајно во време кога Венеција бележи намален приход од туризам, додека во првите месеци од оваа година е регистриран пад од 6,7 проценти на бројот на ноќевања, пренесува агенцијата Нова.

Намалениот број на ноќевања во Венеција е поврзан и со воведувањето данок за влез во градот, според агенцијата.