Ракометарите на Вардар тешко го преживеаа гостувањето кај незгодниот Охрид и по голема борба славеа со 25:27.

Скоро 50 минути беше изедначен и најчесто еден од тимовите водеше со по еден гол разлика. Така беше се до 18:18 кога тогаш дојде до израз искуството на црвено-црните. Вардар во тие моменти се „одлепи“ на 6:2 и поведе со 24:20.

Сепак, тоа не го откажа Охрид кој успеа да ја врати неизвесноста (23:24). Меѓутоа, тоа беше се што направија бидејќи Вардар постигна гола по ред и дојдоа до победата.

Најзаслужен за победата на Вардар беше Хансер Родригез кој постигна десет гола, додека за домаќините по четири гола постигна Олјески, Оројникидзе и Гал Цицар.

Во вториот натпревар, Бутел се покажа како тврд орев за македонскиот вицешампион, првото полувреме беше изедначено, а така и заврши, на одморот се отиде со резултат од 12-12. Отпорот на домаќините беше скршен во текот на второто полувреме кога Алкалоид успеа да се одлепи и на крајот да ја сочува предноста за победа од 23-20.