Новиот албум на „Суперхикс“ беше промовиран на 16 април минатата година во формат на ЦД и на сите платформи а сега добива и свое винилно издание.

Насловен „Сила и нервоза“ првпат беше слушнат на отворената слушачка промоција во Домот на културата „Билјана Беличанец“ во скопската општина Кисела Вода, која се случи минатата година.

„Сила и нервоза“ е шести студиски албум на еден од најпопуларните македонски бендови, а доаѓа седум години по „Андерграунд евергрини“ кој исто така имаше свое винилно издание.

На албумот се наоѓаат соработки со „Фолтин“ и „21 век“, а излезе во годината кога групата одбележа три децении постоење.

Винилот за „Сила и нервоза“ е во издание во „Корпус Деликти“ и „Кичма Рекордс“ а може да се најде кај истите и на повеќе други места.

Албумот имаше своја слушачка промоција во скопскиот локал „Глуво Куче“ оваа среда од 13 часот.

Истиот е сниман и миксуван во студиото „ТРА-ЛА-ЛА“ на Мите Димовски а дизајнот е на Славко Круниќ (академски сликар), проф. Ѓорѓи Томовски и Гоце Лалковски.

На албумот гостуваат неколкумина домашни музичари.