Преку онлајн петиција, над илјада студенти во Скопје бараат Градската библиотека „Браќа Миладиновци“ да го продолжи работното време, поради испитната сесија.

Како што се наведува во петицијата читалната ќе работи само до 22 часот, а тоа дополнително ги ограничува можностите за студентите кои учат во доцните часови.

-Сакаме сите студенти да имаат можност да учат во читалната без ограничување на времето – се вели во петицијата.

Петицијата до овој момент ја имаат потпишано 1,701 студент.

Како што објави Мета.мк, слични петиции имаше и во јануари минатата година, како и во 2022 година.

Градската библиотека од непознати причини, во пресрет на јануарската испитна сесија престануваше со 24-часовната работа и ги затвораше вратите порано. По онлајн петициите, и во двата случаја Градската библиотека го продолжуваше работното време според барањата на студентите.