Студентите најавуваат протести по трагедијата во Кочани
Причините за пожарот што избувна на 16 март, во дискотеката „Пулс“ во Кочани, во кој починаа 59 млади ги натера граѓаните, а главно студентите да побараат правда против коруптивниот систем во државата. Во текот на изиминатава недела, за време на деновите на жалост, кочанчани излегоа на протест. Првично најавен како собир, започна мирно, но потоа состојбата ескалираше и кулминираше со демолирање на кафулето на сопственикот на дискотеката.
Препорачано
Собири имаше во речиси сите градови во земјава – Скопје, Битола, Охрид, Тетово, Свети Николе, Куманово, каде на мирен начин, со положување цвеќе и палење свеќи се оддаваше почит кон починатите. Почит се оддаваше и во градови во други држави.
На платото на Универзитетот Св. Кирил и Методиј, беше одржан и мирен собир – заеднички час за студентите да оддадат почит кон починатите, на кој збор зема и ректорката на универзитетот, Биљана Ангелова, а свој говор оддржа и министерката за образование – Весна Јаневска.
Министерката Јаневска, говорот го започна цитирајќи го Ацо Шопов, а за време на нејзиното обраќање на неколку студенти им се слоши поради што обраќањето беше делумно прекинато. Обраќањето на Јаневска на овој настан, наиде на критики од студентите, а од УСС УКИМ се оградија дека „министерката не била повикана од нивна страна да присуствува ниту пак да одржи говор.“
Ова предизвика револт кај студентите поради што Независното студентско собрание при УКИМ излезе со соопштение во кое ФСС на Филозофскиот факултет при УКИМ изгласале недоверба кон УСС УКИМ.
– Овој модел на студентско претставување е истрошен, експериментот со УСС заврши, студентите на УКИМ ќе се самоорганизираат пленумски. Тоа за кое пред деценија студентите се бореа, никогаш не го добија. Наместо автентично претставување на студентскиот интерес го добивме зависниот бирократски лавиринт наречен УСС на УКИМ. Студентите не можат да имаат претставнички тела контролирани од властите и партиите. Ова се наши универзитети! – велат од Независното Студентско Собрание.
Со реакција се јави Факултетското студентско собрание на Правниот факултет при УКИМ во кое бараат јавно извинување од страна на членовите на студентското собрание на Филозофскиот факултет, кон студентите, поради злоупотребувале просторот со ширење лажни информации.
-Единствен механизам за изразување револт во случај на несогласување на ФСС со работата на УСС е отповикување на избраните претставници и да не именува нови. Уште повеќе, ФСС на Филозофскиот факултет, се’ уште ги нема отповикано делегатите кои се претходно избрани (иако веќе ги преплавија медиумите за мало внимание „како изгласале недоверба“), туку напротив, истите делегати активно учествуваа на последната седница на УСС. Бараме јавно извинување од страна на членовите на студентското собрание на Филозофскиот факултет, не кон ФСС-ПФ, Правен, УСС, УКИМ – туку кон сите нас, студентите, бидејќи го злоупотребуваат просторот со ширење лажни информации, кои за жал, се базираат на нивна правна лаичност – стои во нивното соопштение.
View this post on Instagram
Кон незадоволството од коруптивниот општествен систем се вклучи и иницијативата „Нула“, која за албанскиот веб-портал „Лајм“ изјавија дека планираат да организираат протести барајќи правда за неколкуте несреќи кои ја погодија Македонија.
– Ја информираме јавноста дека во понеделник од 12:30 часот ќе се собереме пред плоштадот во Тетово и ќе протестираме до основниот суд во Тетово во знак и во протест на сите трагедии што се случува од сега во Кочани, па и за пожарот во модуларната болница барајќи одговорност. Заради тоа што правдата не може и не смее да биде во сенка, а мора да има одговорност за сите случаи за тоа. Ние како граѓани во Тетово за тоа ќе протестираме, затоа тие тоа ни е нашата должност како како граѓани – изјави Бленди Ходаи од иницијатива „Нула“.
НСС УКИМ ги повика студентите на пленум, во понеделник во 13 часот пред платото на УКИМ.
– Ова се наши факултети, наше право е да одлучуваме! Не ни треба бирократско тело кое работи зад наш грб. Време е студентите да одлучуваат за своите факултети, а не второстепеното бирократизирано тело УСС. Ги повикуваме сите факултетски собранија да го следат примерот на ФСС ФЗФ и да го делегитимираат телото кое не ги претставува студентите. Во понеделник, сите на платото – студентската автономија не се моли, туку се брани! – стои во нивното соопштение.
View this post on Instagram
