Вчера во Скопје се уапсени О.А.Б.(19), К.И.(19) и Е.Х.Б. (20), тројца студенти од Турција со регулиран привремен престој во земјава, поради сторено кривично дело „разбојништво“. Тие ограбиле скопски таксист, соопшти МВР.

„МВР денеска соопшти дека на 3 мај во 23:40 часот во СВР Скопје, И.Р.К.(54) од Скопје пријавил дека на булеварот „Гоце Делчев“ во Скопје, додека вршел работни задачи како таксист во обележано такси возило, три лица кои ги превезувал, физички го нападнале, а еден од нив му го одзел мобилниот телефон, по што се дале во бегство. Веднаш по добиената пријава, тројцата се пронајдени и уапсени, а пронајден е и телефонот и вратен на сопственикот“, велат од МВР.