„Неовластено изработување, држење, посредување и тргување со оружје или експлозивни материи, Предизвикување општа опасност и Напад врз службено лице при вршење работи на безбедноста“ – за овие кривични дела Основното јавно обвинителство Струга поведе истрага против 34-годишен жител на Велешта.

„Осомничениот, на 16 септември, при расправија со три лица од Дебар со кои имал од претходно влошени односи, извадил пиштол кој го поседувал без дозвола и кон еден од оштетените испукал неколку пати во долниот дел од нозете. Му нанел две лесни телесни повреди, а потоа влегол во возилото со намера да избега.Не ја почитувал наредбата на полициски службеник, кој му наредил да застане и движејќи се наназад со автомобилот го удрил полицаецот, на кого исто така му нанел телесна повреда“, пишува во соопштението од ОЈО.

При увидот се пронајдени и нож и метална шипка, а обвинителите истражуваат дали и тие биле користени во инцидентот.

Обвинителството бара притвор за осомничениот.