Утре македонскиот шампион Струга Трим Лум од 17:00 часот ќе игра против Есперанж од Луксембург во третото квалификациско коло од Конференциската лига.

Денес Струга ја одржа редовната прес-конференција, а тренерот Шпетим Дуро истакна дека целта е неговиот тим да се пласира во групната фаза од Конференциската лига.

„Шансите против Есперанж се израмнети, но ние сакаме да победиме на домашен терен. Нема да менуваме премногу во формацијата. Наша крајна цел е да се пласираме во групната фаза на Конференциската лига, иако знаеме дека ќе биде тешко“, изјави Дуро.

Еден од најважните играчи на Струга е напаѓачот Марјан Радески кој во претходното коло против Будуќност постигна хет-трик.

„Работевме напорно во текот на подготовките, мислам дека повторно сум оној стариот Радески, уживам играјќи со соиграчите и во успесите на тимот. Нѐ очекува уште еден тежок дуел во Европа, го респектираме максимално Есперанж, ги анализиравме и увидовме дека се работи за квалитетен тим. Но, мотивирани сме максимално, веруваме во нашите квалитети и се надеваме на нов успех“, изјави Радески.

Натпреварот се игра утре од 17:00 часот.