Струга и Вардар ќе играат за трофејот во Купот на Македонија
Ги дознавме финалистите кои ќе играат за трофејот оваа натпреварувачка сезона 2024/2025 во фудбалскиот Куп на Македонија, Вардар и Струга.
Препорачано
На реваншот помеѓу екипите на Струга и Шкендија немаше победник (1:1). По првиот дел водеше Струга со погодокот на Укпа во 20 минута, а тетовскиот клуб израмни во финишот од вториот по автоголот на Радиќ (90+2`).
Благодарение на победата од 2:1 во првиот меч, Струга обезбеди пласман во финалниот меч.
За Струга ова ќе биде второ куп финале, првото го имаше во 2023 година кога загуби од Македонија ЃП.
Брера и Вардар исто така одиграа 1:1 во возвратниот дуел, струмичкиот тим водеше од 34 минута со голот на Јанкулоски, а скопскиот клуб го избегна поразот во 58 минута кога стрелаше Талевски.
Благодарение на убедливата победа во првите 90 минута од 3:0, Вардар оди во финалниот меч.
Вардар после 18 години повторно е во куп финалето. Скопските „црвено-црни“ вкупно шест пати играле во завршната битка за пехарот, вкупно пет пати досега го имаат освоено куп трофејот, последен пат во 2007 година, а единствено загубија во 1996 година на пенали од тогашната Слога Југомагнат на пенали.
Според најавите, куп финалето Вардар – Струга е закажано за 21 мај од 19.00 часот.
