Страшна несреќа се случила вчера во Јадранското Море во близина на брегот на Анкона. Маж кој бил со својот син и уште три лица на едрилица за време на налет на ветер, бил удрен од вертикалниот јарбол и фрлен од бродот во морето. Моторот на едрилицата работел, а несреќниот маж завршил под пропелерот, објави РАИ.

Неговиот син се обидел да му помогне, но повредите биле премногу тешки, човекот починал на самото место. Младиот човек бил однесен во болница во состојба на тежок шок.

Медиумите објавија дека починатиот маж живеел во Анкона.

Ова е втор смртен случај покрај брегот на Анкона за само неколку часа. Медиумите претходно објавија дека девојка (23) починала додека пливала во близина на плажата Лави. Нејзиното тело е однесено на обдукција за да се утврди точната причина за смртта.