Кај мажите триумфираше Кристијан Стојаноски, а во женска конкуренција најдобра беше Ивана Неделковска на натпреварувачи постари од 17 години на Илинденскиот пливачки маратон.

Овој маратон традиционално се одржа по 43 пат во водите на Охридското езеро.

Во групата до 16 години на првата позиција се најде Никола Велковски, пред Стефан Тодоров и Сергеј Малјановски Арнаудовски.

Во женска конкуренција првопласирана беше Сара Јанковиќ, на второто место Нада Миленковска, а трета беше Росана Гошева.

Пливачкиот клуб „Охридски бранови“ е организатор на Илинденскиот пливачки маратон, а се оржа под покровителство на Општина Охрид.

На овој настан беа пријавени вкупно 44 пливачи, 29 во машка и 15 во женска конкуренција. Се натпреваруваа од плажата „Горица“ до Градското пристаниште во должина од 2,5 километри.