Фудбалскиот клуб Струга Трим Лум објавува дека предвреме ја раскина соработката со 34-годишниот играч од средниот ред, Стефан Спировски.

За време на денешниот состанок помеѓу спортскиот директор на клубот, Бесарт Исаку, и фудбалерот, беше постигнат договор за предвремен прекин на соработката.

Спировски имаше договор со клубот за следната сезона, но по краток разговор во клупските канцеларии, страните се ракуваа и по меѓусебна согласност го раскинаа договорот.

Спировски се приклучи на тимот на Струга Трим Лум во јули минатата година, како засилување за европските натпревари, каде што успеа да го постигне тој супер гол против Пјуник, додека постигна уште еден гол и во првенството, каде што запиша и четири асистенции во 27 натпревари.

За сите тие 2071 минути поминати на теренот со „црвено-белиот“ дрес, клубот му се заблагодарува на Спиросвки и му посакува многу успех во кариерата.