Македонскиот арбитар Александар Ставрев со нова обврска на меѓународната сцена, овојпат ќе суди натпревар во третото по квалитет европско клупско натпреварување, Лигата на конференции.

В четврток (15 септември) со почеток од 21.00 часот во Рига, Летонија, Ставрев ќе дели судиска правда на мечот помеѓу домаќинот РФС и Харт оф Мидлотиан од Шкотска.

Негови помошници ќе бидат Дејан Костадинов и Гоце Петрески, а четврти судија е Јован Качевски. УЕФА контролор е Шмуел Штеиф од Израел, а делегат е Хрватот Јосип Томашко.

РФС и Харт оф Мидлотиан играат во групата „А“ во која се наоѓаат уште екипите на Истанбул Башакшехир (Турција) и Фиорентина (Италија).

На табелата по првото коло води Истанбул Башакшехир со три бодови, по еден имаат Фиорентина и РФС, а без бодови е Харт оф Мидлотиан.