Статуа на раздор: Кој се плаши од гола жена во 21. век? Статуата на Волстонкрафт ја покрија со маица!
Статуа посветена на британската писателка, филозофка и феминистка Мери Волстонкрафт, родена во 1759 година, предизвика бројни коментари и негодувања од нејзините симпатизери, а во дискусијата се вклучија и лондонските медиуми.
Споменик посветен на мајката на либералниот феминизам Мери Волстонкрафт неодамна беше поставен во лондонскиот парк Њуингтон Грин, но не помина без контроверзии.
Препорачано
Статуата ја претставува писателката гола, а овој избор на многумина не им се допадна. Следниот ден по инаугурацијата, споменикот беше покриен со маица на која пишуваше „жена“. На сребрената скулптура всушност е прикажано стилизирано голо женско тело, дело на британската уметница Меги Хобинг која смета дека „Мери се сите жени и дека фустанот би ја ограничил“. Уметничката Меги Хобинг избрала да ја претстави писателката гола бидејќи, според неа, „облеката ги дефинира луѓето“ и идејата била да ѝ се оддаде почит на Волстонкрафт, правејќи ја имуна на стереотипите и времето. Сепак, негодувањата не престануваат, потсетувајќи на тоа колку женското голо тело може да предизвика скандал, дури и денес.
Интересно е што еден жител на британската престолнина потсети дека околу 90 проценти од спомениците во Лондон претставуваат мажи и „повеќето носат облека“.
